ਅਮਰ ਸ਼ਹੀਦ ਸ੍ਰੀ ਸਤਪ੍ਰਕਾਸ਼ ਪ੍ਰਭਾਕਰ ਜੀ ਦਾ ਮਨਾਇਆ ਗਿਆ ਸ਼ਹੀਦੀ ਦਿਵਸ

ਰਾਜਪੁਰਾ 11 ਮਾਰਚ (ਰਾਜੇਸ਼ ਡਾਹਰਾ )
ਅਜ ਰਾਜਪੁਰਾ ਵਿੱਚ ਸ਼ਕਤੀ ਸੇਵਾ ਸੰਸਥਾਨ (ਰਜਿ.) ਪੰਜਾਬ ਦੁਆਰਾ ਸਵੇਰੇ ਸਥਾਨਕ ਬਹਾਵਲਪੁਰ ਭਵਨ ਵਿਖੇ ਅਮਰ ਸ਼ਹੀਦ ਸ਼੍ਰੀ ਸਤਪ੍ਰਕਾਸ਼ ਪ੍ਰਭਾਕਰ ਜੀ ਦਾ ਸ਼ਹੀਦੀ ਦਿਹਾੜਾ ਮਨਾਇਆ ਗਿਆ । ਗੌਰਤਲਬ ਹੈ ਕਿ ਸ੍ਰੀ ਪ੍ਰਭਾਕਰ ਜੀ ਨੂੰ 16 ਮਾਰਚ 1990 ਨੂੰ ਗੋਲਿਆਂ ਮਾਰ ਕੇ ਸ਼ਹੀਦ ਕੀਤਾ ਗਿਆ ਸੀ।ਅੱਜ ਸ਼ਹੀਦੀ ਸਮਾਰੋਹ ਵਿੱਚ ਸਵਾਮੀ ਕ੍ਰਿਸ਼ਨਾਨੰਦ ਜੀ ਮਹਾਰਾਜ ਗਊ ਸੇਵਾ ਮਿਸ਼ਨ ਭਾਰਤ, ਸ਼੍ਰੀ ਰਾਜਵੀਰ ਸਿੰਘ ਸੰਗਠਨ ਮੰਤਰੀ ਕਿਸਾਨ ਮੋਰਚਾ ਰਾਜਸਥਾਨ, ਅਤੇ ਰਾਮ ਕੁਮਾਰ ਵਿਆਸ ਬਰਨਾਲਾ ਨੇ ਸ਼ਮਾਂ ਰੋਸ਼ਨ ਕਰਕੇ ਸਮਾਰੋਹ ਦਾ ਸ਼ੁਭ ਆਰੰਭ ਕੀਤਾ ।ਇਸ ਸਮਾਰੋਹ ਵਿਚ ਸ੍ਰੀ ਰਾਜਿੰਦਰ ਰਾਜਾ ਸਾਬਕਾ ਪ੍ਰਧਾਨ ਨਗਰ ਕੌਂਸਲ ਰਾਜਪੁਰਾ, ਸ੍ਰੀ ਪ੍ਰਵੀਨ ਛਾਬੜਾ ਸਾਬਕਾ ਪ੍ਰਧਾਨ ਨਗਰ ਕੌਂਸਲ ਰਾਜਪੁਰਾ, ਅਤੇ ਰਾਜਮਾਤਾ ਖਾਸ ਤੌਰ ਤੇ ਪਹੁੰਚੇ ਸਨ। ਇਸ ਮੌਕੇ ਤੇ ਆਏ ਹੋਏ ਵਿਸ਼ੇਸ਼ ਮਹਿਮਾਨਾ ਨੂੰ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਵੀ ਕੀਤਾ ਗਿਆ । ਸਮਾਰੋਹ ਵਿਚ ਆਏ ਹੋਏ ਖਾਸ ਮਹਿਮਾਨਾ ਨੇ ਸ਼ਹੀਦ ਪ੍ਰਭਾਕਰ ਜੀ ਦੇ ਜੀਵਨ ਤੇ ਵਿਸ਼ੇਸ਼ ਚਾਨਣਾ ਵੀ ਪਾਇਆ ਅਤੇ ਕਿਹਾ ਕਿ ਸਾਨੂੰ ਆਪਣੇ ਦੇਸ਼ ਲਈ ਹਰ ਕੁਰਬਾਨੀ ਦੇਣ ਲਈ ਸਦਾ ਤਿਆਰ ਰਹਿਣਾ ਚਾਹੀਦਾ ਹੈ। ਸਮਾਰੋਹ ਦੇ ਅੰਤ ਵਿੱਚ ਸਵਾਮੀ ਕ੍ਰਿਸ਼ਨਾ ਨੰਦ ਜੀ ਮਹਾਰਾਜ ਅਤੇ ਸ੍ਰੀ ਰਾਜਵੀਰ ਸਿੰਘ ਨੇ ਅਮਰ ਸ਼ਹੀਦ ਸ਼੍ਰੀ ਸਤਪ੍ਰਕਾਸ਼ ਪ੍ਰਭਾਕਰ ਜੀ ਦੀ ਫੋਟੋ ਤੋਂ ਪਰਦਾ ਚੁੱਕ ਕੇ ਚੌਕ ਅਤੇ ਫੋਟੋ ਦਾ ਉਧਘਾਟਨ ਕੀਤਾ। ਇਸ ਮੌਕੇ ਤੇ ਸ਼ਹੀਦ ਪ੍ਰਭਾਕਰ ਜੀ ਦੇ ਪਰਿਵਾਰਕ ਮੈਂਬਰਾਂ ਤੋ ਇਲਾਵਾ ਭਗਵਾਨ ਦਾਸ ਮੋਗਿਆਂ , ਤ੍ਰਿਲੋਕ ਚਾਵਲਾ, ਸ੍ਰੀ ਜਗਦੀਸ਼ ਜੱਗਾ, ਧਰਮਪਾਲ ਵਰਮਾ, ਉਮ ਪ੍ਰਕਾਸ਼ ਪਾਸੀ, ਨਰੇਸ਼ ਮਲਿਕ, ਰੰਜਨ ਹੰਸ, ਜਸਵਿੰਦਰ ਪਹੂਜਾ, ਮਨੋਹਰ ਲਾਲ ਆਜਾਦ ,ਚਰਨਜੀਤ ਸਿੰਘ, ਜਗਦੀਸ਼ ਬੁਧੀਰਾਜਾ , ਤਰੁਣ ਖੁਰਾਣਾ, ਵਿਜੈ ਵੋਹਰਾ, ਸਮਾਜ ਸੇਵੀ ਪ੍ਰਦੀਪ ਨੰਦਾ, ਭੂਸ਼ਨ ਜੀ ਪਟਵਾਰੀ, ਨਰਿੰਦਰ ਨਾਗਪਾਲ, ਸੰਜੈ ਬਗਾ, ਸਮੇਤ ਸੈਂਕੜੇ ਲੋਕਾਂ ਦਾ ਇੱਕਠ ਮੌਜੂਦ ਸੀ।