ਅੱਜ ਫਤਿਹਵੀਰ ਨੀ ਪੰਜਾਬ ਮਰਿਆ - ਜਸਵਿੰਦਰ ਰਿਖੀ
Date: 13 June 2019
MAHESH JINDAL, DHURI
ਧੂਰੀ,13 ਜੂਨ (ਮਹੇਸ਼ ਜਿੰਦਲ) ਅੱਜ 2 ਸਾਲਾਂ ਬੱਚੇ ਫਤਿਹਵੀਰ ਸਿੰਘ ਦੀ ਮੌਤ ਤੇ ਦੁੱਖ ਜਾਹਿਰ ਕਰਦਿਆ ਸਵ. ਸ੍ਰ. ਸੁੱਖਦੇਵ ਸਿੰਘ ਰਿਖੀ ਵੈਲਫੇਅਰ ਸੁਸਾਇਟੀ ਦੇ ਪ੍ਰਧਾਨ ਜਸਵਿੰਦਰ ਰਿਖੀ ਨੇ ਪੱਤਰਕਾਰਾਂ ਨਾਲ ਵਿਚਾਰ ਸਾਂਝੇ ਕਰਦਿਆ ਕਿਹਾ ਕਿ ਬਹੁਤ ਹੀ ਦੁੱਖ ਦੀ ਗੱਲ ਆ ਕਿ ਅੱਜ 2 ਸਾਲ ਦਾ ਫਤਿਹ ਸਿਆਸਤ ਦੀ ਭੇਟ ਚੜ ਗਿਆ। ਮੌਤ ਤਾਂ ਕਿਸੇ ਨੂੰ ਕਿਸੇ ਵੀ ਉਮਰ 'ਚ ਆ ਸਕਦੀ ਹੈ ਗੱਲ ਮੌਤ ਦੀ ਨਹੀਂ ਗੱਲ ਇਹ ਹੈ ਕਿ ਕੋਈ ਕਿਵੇਂ ਮਰਿਆ ਜਿਵੇਂ ਕਿ ਸਾਨੂੰ ਸਭ ਨੂੰ ਪਤਾ ਲੱਗ ਗਿਆ ਹੈ ਕਿ ਫਤਿਹਵੀਰ ਨੂੰ ਮੌਤ ਆਈ ਨਹੀਂ ਸੀ ਉਸਨੂੰ ਮੌਤ ਦਿੱਤੀ ਗਈ ਹੈ। ਇਹ ਮੌਤ ਦਿੱਤੀ ਨਾਕਾਮ ਪ੍ਰਸਾਸ਼ਨ ਨੇ , ਨਿਕੰਮੀ ਸਰਕਾਰ ਨੇ , ਅੱਯਾਸ਼ ਤੇ ਬੇਅਕਲ ਮੁੱਖਮੰਤਰੀ ਨੇ ! ਜੇ ਫਤਿਹ ਦੀ ਜਗਾ ਕਿਸੇ ਮੰਤਰੀ , ਐਮ.ਐਲ.ਏ ਦਾ ਬੱਚਾ ਹੁੰਦਾ ਤਾਂ 2 ਘੰਟੇ ਚ ਬਾਹਰ ਕੱਢ ਦੇਣਾ ਸੀ । ਪਰ ਇਹ ਸਰਕਾਰਾਂ , ਇਹ ਮੁੱਖਮੰਤਰੀ ਤਾਂ ਅਸੀਂ ਚੁਣਦੇ ਹਾਂ ਫੇਰ ਅਸਲ ਜੁੰਮੇਵਾਰ ਕੌਣ ਹੋਇਆ। ਕਦੇ ਪੁਲਿਸ ਕਿਸੇ ਦਾ ਜਵਾਨ ਪੁੱਤ ਚੱਕ ਕੇ ਖਪਾ ਦਿੰਦੀ ਹੈ , ਕਦੇ ਕਿਸੇ ਬੱਚੀ ਨਾਲ ਬਲਾਤਕਾਰ ਹੋ ਜਾਂਦਾ ਹੈ। ਅਸੀਂ ਲੋਕ ਫੇਸਬੁੱਕ ਭਰ ਦਿੰਦੇ ਹਾਂ , ਧਰਨੇ ਮੁਜ਼ਾਹਰਿਆਂ ਤੇ ਭੀੜ ਬਣ ਕੇ ਜਾ ਪਹੁੰਚਦੇ ਹਾਂ , ਫਿਰ ਓਥੇ ਧੜਿਆਂ 'ਚ ਵੰਡੇ ਜਾਨੇਂ ਆਂ , ਆਪੋ ਆਪਣੀਆਂ ਚੌਧਰਾਂ ਚਮਕਾਉਣ ਲੱਗ ਜਾਨੇਂ ਆਂ , ਮੋਰਚਾ ਫੇਲ੍ਹ ਹੋ ਜਾਂਦਾ ਹੈ ਆਖਿਰਕਾਰ ਕੋਈ ਹੀਣਾ ਜਿਹਾ ਸਮਝੌਤਾ ਹੋ ਜਾਂਦਾ ਹੈ । ਜਿੰਨਾ ਚਿਰ ਹਰ ਇਨਸਾਨ ਆਪਣੇ ਆਪ ਚੋਂ ਨਿਕਲ ਕੇ ਸਮਾਜ ਬਾਰੇ ਨੀ ਸੋਚਦਾ ਆਪਣੇ ਅੰਦਰ ਇਨਸਾਨੀਅਤ ਦਾ ਬੀਜ ਨਹੀਂ ਲਾਉਦਾ ਓਹਨਾਂ ਟਾਇਮ ਇਹ ਸਭ ਏਵੇ ਹੀ ਹੁੰਦਾ ਰਹਿਣਾ । ਇਹ ਲੀਡਰ ਵੋਟਾਂ ਟਾਇਮ ਆਉਂਦੇ ਵੱਡੇ ਵੱਡੇ ਲਾਰੇ ਲਾਉਂਦੇ ਤੇ ਆਪਾਂ ਫਿਰ ਇਹਨਾਂ ਦੀਆਂ ਗੱਲਾਂ ਚ ਆ ਕੇ ਇਹ ਗੰਦੇ ਲੋਕਾਂ ਚੁਣ ਲੈਂਦੇ ਹਾਂ। ਕੋਈ ਪੱਕੀ ਨੋਕਰੀ ਲਈ , ਕੋਈ ਕਰਜਾ ਮਾਫੀ ਲਈ , ਕੋਈ ਬਿਲ ਮਾਫ ਲਈ , ਕੋਈ ਆਟਾ ਦਾਲ ਲਈ , ਕੋਈ ਸਮਾਰਟ ਫੋਨ ਲਈ ਵੋਟ ਕਰਦਾ । ਪਰ ਕਦੇ ਕਿਸੇ ਨੇ ਸਿਹਤ , ਸਿੱਖਿਆ ਤੇ ਸੁਰੱਖਿਆ ਦੀ ਮੰਗ ਕਰਕੇ ਕਦੇ ਵੋਟ ਨੀ ਪਾਈ । ਹੁਣੇ ਹੁਣੇ ਚੋਣਾਂ ਹੋ ਕੇ ਹਟੀਆਂ ਨੇ , ਕੇਂਦਰ ਸਰਕਾਰ ਵੀ ਅਸੀਂ ਚੁਣੀ ਹੈ , ਸੂਬਾ ਸਰਕਾਰ ਵੀ ਸਾਡੀ ਚੋਣ ਹੈ , ਹੁਣ ਰੋਦੇਂ ਕਿਉਂ ਹੋ ? ਮਾਣ ਕਰੋ ਆਪਣੀ ਆਪਣੀ ਚੋਣ ਤੇ ! ਯਾਦ ਰੱਖਿਓ ਫਤਿਹਵੀਰ ਕਿਸੇ ਰਾਜਨੀਤਕ ਪਾਰਟੀ ਦਾ ਕਾਰਕੁੰਨ ਨਹੀਂ ਸੀ , ਉਸਦੀ ਵੋਟ ਨਹੀਂ ਬਣੀ ਸੀ , ਉਸਨੂੰ ਤਾਂ ਰਾਜਨੀਤੀ ਸ਼ਬਦ ਬੋਲਣਾਂ ਵੀ ਨਹੀਂ ਆਉਂਦਾ ਸੀ ਪਰ ਉਹ ਮਰ ਕੇ ਰਾਜਨੀਤਕ ਹੋ ਗਿਆ , ਮਾਫ਼ ਕਰਨਾ ਉਹ ਮਰਿਆ ਨਹੀਂ ਸ਼ਹੀਦ ਹੋਇਆ ਹੈ ਸਾਨੂੰ ਸਭ ਨੂੰ ਇਹ ਅਹਿਸਾਸ ਕਰਵਾਉਣ ਲਈ ਕਿ ਮੈਂ ਤਾਂ ਬੋਰ ਵੈੱਲ 'ਚ ਗਲਤੀ ਨਾਲ , ਬਾਲਪਣ 'ਚ ਡਿੱਗ ਪਿਆ ਸੀ ਪਰ ਤੁਸੀਂ ਤਾਂ ਉਹ ਖੂਹ ਆਪਣੇ ਹੱਥੀਂ ਆਪ ਪੱਟੇ ਨੇ ਜਿੰਨਾਂ 'ਚ ਤੁਸੀਂ ਡਿੱਗ ਚੁੱਕੇ ਹੋ , ਮੌਤ ਤੁਹਾਡੀ ਵੀ ਨਿਸ਼ਚਿਤ ਹੈ ।
Latest News
- ਕਾਲਜ ਮੈਨੇਜਮੈਂਟ ਤੇ ਵਿਦਿਆਰਥੀਆਂ ਨੇ ਸੜਕ ਦੇ ਡੀਵਾਈਡਰ ਵਿੱਚ ਕੱਟ ਪਾ ਕੇ ਕਾਲਜ ਨੂੰ ਲਾਂਘਾ ਦੇਣ ਦੀ ਕੀਤੀ ਮੰਗ।
- ਅਕਾਲ ਯੂਨੀਵਰਸਿਟੀ ਵਿਚ ਕਵੀਰਾਜ ਨਰੇਸ਼ ਸਕਸੈਨਾ ਦੇ ਵਿਸ਼ੇਸ਼ ਭਾਸ਼ਣ ਦਾ ਹੋਇਆ ਆਯੋਜਨ।
- ਮੁਨਸ਼ੀਵਾਲਾ ਚ ਹੋਈ ਕੁੱਟਮਾਰ ਦੀ ਕਾਂਗਰਸੀ ਆਗੂਆਂ ਵਲੋ ਨਿਖੇਧੀ
- ਮਾਤਾ ਸਾਹਿਬ ਕੌਰ ਗਰਲਜ਼ ਕਾਲਜ ਵਿਖੇ ਸ਼ਹੀਦ ਭਗਤ ਸਿੰਘ ਨਸ਼ਾ ਵਿਰੋਧੀ ਮੰਚ ਦੇ ਸਹਿਯੋਗ ਨਾਲ ਖੂਨਦਾਨ ਮਹਾਂ-ਸੰਮੇਲਨ।
- ਫਾਜ਼ਿਲਕਾ ’ਚ ਕਾਂਗਰਸ 13, ਭਾਜਪਾ 4 ਤੇ ਸੀ.ਪੀ.ਆਈ. 1 ਸੀਟ ’ਤੇ ਰਹੀ ਜੇਤੂ
- ਮੁੱਖ ਮੰਤਰੀ ਦੇ ਓ. ਐੱਸ. ਡੀ ਕੈਪਟਨ ਸੰਦੀਪ ਸੰਧੂ ਨੇ ਤਲਵੰਡੀ ਸਾਬੋ ਪੁੱਜ ਕਾਂਗਰਸ ਦੇ ਜੇਤੂ ਮੈਂਬਰਾਂ ਨੂੰ ਕੀਤਾ ਸਨਮਾਨਿਤ, ਤਖਤ ਸਾਹਿਬ ਹੋਏ ਨਤਮਸਤਕ।
- ਫਤਿਹਗੜ ਨੌ ਅਬਾਦ ਲਾਗੇ ਸੰਦੋਹਾ ਬਰਾਂਚ 'ਚ ਪਾੜ ਪੈਣ ਨਾਲ ਕਿਸਾਨਾਂ ਦੀ ਸੈਂਕੜੇ ਏਕੜ ਫਸਲ ਬਰਬਾਦ
- ਅਕਾਲੀ ਭਾਜਪਾ ਗਠਜੋੜ ਦੇ ਹੱਕ ਵਿੱਚ ਵੋਟਾਂ ਪਾਉਣ ਵਾਲੇ ਵੋਟਰਾਂ ਅਤੇ ਅਕਾਲੀ ਵਰਕਰਾਂ ਦਾ ਸਿੱਧੂ ਨੇ ਕੀਤਾ ਧੰਨਵਾਦ।
- ਘੱਗਰ ਸਮੇਤ ਪਟਿਆਲਾ ਦੇ ਸਾਰੇ ਬਰਸਾਤੀ ਨਾਲਿਆਂ ਵਿੱਚ ਹਾਲ ਦੀ ਘੜੀ ਪਾਣੀ ਕੰਟਰੋਲ ਹੇਠ
- ਡਿਪਟੀ ਕਮਿਸ਼ਨਰ ਤੇ ਐਸ.ਐਸ.ਪੀ. ਵਲੋਂ ਧੁੱਸੀ ਬੰਨ੍ਹ ਦਾ ਜਾਇਜ਼ਾ
Website Development Comapny in Ludhiana
Contact for Website Development, Online Shopping Portal, News Portal, Dynamic Website
Mobile: 9814790299