ਪੰਜਾਬ ਸਰਕਾਰ ਨੇ ਪੁਲਿਸ ਪ੍ਰਸ਼ਾਸਨ ਵਿੱਚ ਫੇਰਬਦਲ ਕਰਦਿਆਂ 7 ਸੀਨੀਅਰ IPS ਅਧਿਕਾਰੀਆਂ ਦੇ ਤਬਾਦਲੇ ਅਤੇ ਨਵੀਆਂ ਨਿਯੁਕਤੀਆਂ ਦੇ ਹੁਕਮ ਜਾਰੀ ਕੀਤੇ ਹਨ। ਇਨ੍ਹਾਂ ਵਿੱਚ ਡਾ. ਜਤਿੰਦਰ ਕੁਮਾਰ ਜੈਨ, ਅਨੀਤਾ ਪੁੰਜ ਅਤੇ ਪ੍ਰਮੋਦ ਬਾਨ ਸਮੇਤ ਕਈ ਸੀਨੀਅਰ ਅਧਿਕਾਰੀ ਸ਼ਾਮਲ ਹਨ। ਇਹ ਤਬਾਦਲੇ ਪ੍ਰਸ਼ਾਸਨਿਕ ਆਧਾਰ 'ਤੇ ਕੀਤੇ ਗਏ ਹਨ।

ਸਰਕਾਰ ਨੇ ਸਾਰੇ ਸਬੰਧਤ ਅਧਿਕਾਰੀਆਂ ਨੂੰ ਤੁਰੰਤ ਆਪਣੀ ਨਵੀਂ ਤਾਇਨਾਤੀ ਵਾਲੀ ਜਗ੍ਹਾ 'ਤੇ ਜੁਆਇਨ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।

ਕਿਸ IPS ਅਧਿਕਾਰੀ ਨੂੰ ਕਿੱਥੇ ਮਿਲੀ ਨਵੀਂ ਜ਼ਿੰਮੇਵਾਰੀ?

ਡਾ. ਜਤਿੰਦਰ ਕੁਮਾਰ ਜੈਨ: ਉਨ੍ਹਾਂ ਨੂੰ ਸਪੈਸ਼ਲ DGP ਰੇਲਵੇ, ਪੰਜਾਬ ਨਿਯੁਕਤ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੂੰ ਸਪੈਸ਼ਲ DGP, PSPCL ਪਟਿਆਲਾ ਦਾ ਵਾਧੂ ਚਾਰਜ ਵੀ ਸੌਂਪਿਆ ਗਿਆ ਹੈ।

ਅਨੀਤਾ ਪੁੰਜ: ਉਨ੍ਹਾਂ ਨੂੰ ਸਪੈਸ਼ਲ DGP, ਹਿਊਮਨ ਰਾਈਟਸ ਪੰਜਾਬ ਦਾ ਵਾਧੂ ਚਾਰਜ ਦਿੱਤਾ ਗਿਆ ਹੈ।

ਪ੍ਰਮੋਦ ਬਾਨ: ਉਨ੍ਹਾਂ ਨੂੰ ਸਪੈਸ਼ਲ DGP, AGTF ਪੰਜਾਬ ਨਿਯੁਕਤ ਕੀਤਾ ਗਿਆ ਹੈ।

ਐੱਮ.ਐੱਫ. ਫਾਰੂਕੀ: ਉਨ੍ਹਾਂ ਨੂੰ ਸਪੈਸ਼ਲ DGP, ਸਟੇਟ ਆਰਮਡ ਪੁਲਿਸ (SAP), ਜਲੰਧਰ ਕੈਂਟ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ।

ਅਮਿਤ ਪ੍ਰਸਾਦ: ਉਨ੍ਹਾਂ ਨੂੰ ਸਪੈਸ਼ਲ DGP, ਕਾਊਂਟਰ ਇੰਟੈਲੀਜੈਂਸ ਪੰਜਾਬ ਨਿਯੁਕਤ ਕੀਤਾ ਗਿਆ ਹੈ।

ਜੀ. ਨਾਗੇਸ਼ਵਰ ਰਾਓ: ਉਨ੍ਹਾਂ ਨੂੰ ਸਪੈਸ਼ਲ DGP, ਪ੍ਰੋਵੀਜ਼ਨਿੰਗ ਪੰਜਾਬ ਦੇ ਨਾਲ ਸਪੈਸ਼ਲ DGP, ਮਾਡਰਨਾਈਜ਼ੇਸ਼ਨ ਪੰਜਾਬ ਦਾ ਵਾਧੂ ਚਾਰਜ ਦਿੱਤਾ ਗਿਆ ਹੈ।

ਗੌਤਮ ਚੀਮਾ: ਉਨ੍ਹਾਂ ਨੂੰ ADGP, ਲਾਅ ਐਂਡ ਆਰਡਰ ਪੰਜਾਬ ਨਿਯੁਕਤ ਕੀਤਾ ਗਿਆ ਹੈ।