ਲੋੜਵੰਦਾਂ ਲਈ ਆਸਰਾ ਬਣਿਆ 'ਸਾਹਿਬਜ਼ਾਦਾ ਫਤਹਿ ਸਿੰਘ ਗਰੁੱਪ' ਹਰੇਕ ਮਹੀਨੇ ਲਗਭਗ 80 ਪਰਵਾਰਾਂ ਦੀ ਰਾਸ਼ਨ ਦੇ ਕੇ ਮੱਦਦ

ਰਾਮਾਂ ਮੰਡੀ, 8 ਜੁਲਾਈ (ਬੁੱਟਰ) ਇਲਾਕੇ ਵਿੱਚ ਉਹਨਾਂ ਬੇਸਹਾਰਾ ਲੋਕਾਂ ਲਈ ਸਾਹਿਬਜ਼ਾਦਾ ਫਤਹਿ ਸਿੰਘ ਗਰੁੱਪ ਆਸ ਦੀ ਕਿਰਨ ਬਣ ਕੇ ਉੱਭਰਿਆ ਹੈ,ਜਿਹੜੇ ਕਮਾਈ ਦੇ ਸਾਰੇ ਸ੍ਰੋਤ ਬੰਦ ਹੋਣ ਕਾਰਨ ਪੇਟ ਦੀ ਪੂਰਤੀ ਕਰਨ ਤੋਂ ਅਸਮਰੱਥ ਹਨ।'ਕੋਈ ਨਾ ਸੌਵੇਂ ਭੁੱਖਾ' ਦਾ ਦ੍ਰਿੜ ਸੰਕਲਪ ਲੈ ਕੇ ਚੱਲੇ ਰਾਮਾਂ ਮੰਡੀ ਅਤੇ ਇਲਾਕੇ ਦੇ ਸਮਾਜ ਸੇਵਾ ਨੂੰ ਸਮਰਪਿਤ ਨੌਜਵਾਨਾਂ ਵੱਲੋਂ ਬਿਨਾ ਕਿਸੇ ਅਹੁਦੇਦਾਰੀ ਦੇ ਉਪਰੋਕਤ ਗਰੁੱਪ ਦਾ ਗਠਨ ਕਰ ਕੇ ਇਸ ਇਲਾਕੇ ਵਿਚ ਰਾਸ਼ਨ ਦੇ ਰੂਪ ਵਿੱਚ ਲੋੜਵੰਦਾਂ ਦੀ ਸਹਾਇਤਾ ਕਰਨੀ ਸ਼ੁਰੂ ਕੀਤੀ ਹੈ।ਗਰੁੱਪ ਦੇ ਸੇਵਦਾਰ ਲੋੜਵੰਦ ਪਰਿਵਾਰਾਂ ਦੀ ਵਿਹਾਰਕ ਤੌਰ 'ਤੇ ਸ਼ਨਾਖਤ ਕਰ ਕੇ ਨਿੱਜੀ ਤੌਰ 'ਤੇ ਸਮਾਂ ਕੱਢ ਕੇ ਲੋੜੀਂਦਾ ਰਾਸ਼ਨ ਸਬੰਧਤ ਪਰਿਵਾਰ ਤੱਕ ਪਹੁੰਚਾ ਰਹੇ ਹਨ।ਸ਼ੁਰੂ ਵਿੱਚ ਭਾਵੇਂ ਇੱਕ ਮਹੀਨੇ 'ਚ ਚਾਰ-ਪੰਜ ਪਰਿਵਾਰਾਂ ਦੀ ਜ਼ਰੂਰੀ ਰਾਸ਼ਨ ਨਾਲ਼ ਸੇਵਾ ਕੀਤੀ ਜਾਂਦੀ ਸੀ ਪਰ ਅੱਜ ਦਾਨਵੀਰਾਂ ਦੇ ਸਹਿਯੋਗ ਨਾਲ਼ ਹਰੇਕ ਮਹੀਨੇ ਤਕਰੀਬਨ 80 ਪਰਿਵਾਰਾਂ ਤੱਕ ਰਾਸ਼ਨ ਉਹਨਾਂ ਦੇ ਘਰ ਤੱਕ ਪੁੱਜਦਾ ਕੀਤਾ ਜਾਂਦਾ ਹੈ।ਬਹੁਤੇ ਦਾਨਵੀਰ ਖ਼ਾਸ ਮੌਕਿਆਂ ਨੂੰ ਸਮਰਪਿਤ ਲੋੜਵੰਦਾਂ ਲਈ ਰਾਸ਼ਨ ਖ਼ਰੀਦਣ ਲਈ ਨਗਦ ਰੂਪ 'ਚ ਦਾਨ ਕਰ ਰਹੇ ਹਨ।ਇਸ ਵਾਰ ਦਾਨਵੀਰਾਂ ਨੇ ਆਟਾ ਤਿਆਰ ਕਰਨ ਲਈ ਕਣਕ ਵੀ ਸੇਵਾ ਗਰੁੱਪ ਨੂੰ ਦਾਨ ਕੀਤੀ ਹੈ।ਜ਼ਿਕਰਯੋਗ ਹੈ ਕਿ ਇਸ ਵਾਰ ਸਰਦੀਆਂ ਦੇ ਮੌਕੇ ਲੋੜਵੰਦ ਲੋਕਾਂ ਤੱਕ ਗਰੁੱਪ ਵੱਲੋਂ ਗਰਮ ਕੰਬਲ,ਬਿਸਤਰੇ,ਕੋਟੀਆਂ,ਸਵੈਟਰ,ਬੂਟ,ਟੋਪੀਆਂ ਆਦਿ ਵੰਡੇ ਗਏ ਸਨ।

Latest News

• ਕਾਲਜ ਮੈਨੇਜਮੈਂਟ ਤੇ ਵਿਦਿਆਰਥੀਆਂ ਨੇ ਸੜਕ ਦੇ ਡੀਵਾਈਡਰ ਵਿੱਚ ਕੱਟ ਪਾ ਕੇ ਕਾਲਜ ਨੂੰ ਲਾਂਘਾ ਦੇਣ ਦੀ ਕੀਤੀ ਮੰਗ।
• ਅਕਾਲ ਯੂਨੀਵਰਸਿਟੀ ਵਿਚ ਕਵੀਰਾਜ ਨਰੇਸ਼ ਸਕਸੈਨਾ ਦੇ ਵਿਸ਼ੇਸ਼ ਭਾਸ਼ਣ ਦਾ ਹੋਇਆ ਆਯੋਜਨ।
• ਮੁਨਸ਼ੀਵਾਲਾ ਚ ਹੋਈ ਕੁੱਟਮਾਰ ਦੀ ਕਾਂਗਰਸੀ ਆਗੂਆਂ ਵਲੋ ਨਿਖੇਧੀ
• ਮਾਤਾ ਸਾਹਿਬ ਕੌਰ ਗਰਲਜ਼ ਕਾਲਜ ਵਿਖੇ ਸ਼ਹੀਦ ਭਗਤ ਸਿੰਘ ਨਸ਼ਾ ਵਿਰੋਧੀ ਮੰਚ ਦੇ ਸਹਿਯੋਗ ਨਾਲ ਖੂਨਦਾਨ ਮਹਾਂ-ਸੰਮੇਲਨ।
• ਫਾਜ਼ਿਲਕਾ ’ਚ ਕਾਂਗਰਸ 13, ਭਾਜਪਾ 4 ਤੇ ਸੀ.ਪੀ.ਆਈ. 1 ਸੀਟ ’ਤੇ ਰਹੀ ਜੇਤੂ
• ਮੁੱਖ ਮੰਤਰੀ ਦੇ ਓ. ਐੱਸ. ਡੀ ਕੈਪਟਨ ਸੰਦੀਪ ਸੰਧੂ ਨੇ ਤਲਵੰਡੀ ਸਾਬੋ ਪੁੱਜ ਕਾਂਗਰਸ ਦੇ ਜੇਤੂ ਮੈਂਬਰਾਂ ਨੂੰ ਕੀਤਾ ਸਨਮਾਨਿਤ, ਤਖਤ ਸਾਹਿਬ ਹੋਏ ਨਤਮਸਤਕ।
• ਫਤਿਹਗੜ ਨੌ ਅਬਾਦ ਲਾਗੇ ਸੰਦੋਹਾ ਬਰਾਂਚ 'ਚ ਪਾੜ ਪੈਣ ਨਾਲ ਕਿਸਾਨਾਂ ਦੀ ਸੈਂਕੜੇ ਏਕੜ ਫਸਲ ਬਰਬਾਦ
• ਅਕਾਲੀ ਭਾਜਪਾ ਗਠਜੋੜ ਦੇ ਹੱਕ ਵਿੱਚ ਵੋਟਾਂ ਪਾਉਣ ਵਾਲੇ ਵੋਟਰਾਂ ਅਤੇ ਅਕਾਲੀ ਵਰਕਰਾਂ ਦਾ ਸਿੱਧੂ ਨੇ ਕੀਤਾ ਧੰਨਵਾਦ।
• ਘੱਗਰ ਸਮੇਤ ਪਟਿਆਲਾ ਦੇ ਸਾਰੇ ਬਰਸਾਤੀ ਨਾਲਿਆਂ ਵਿੱਚ ਹਾਲ ਦੀ ਘੜੀ ਪਾਣੀ ਕੰਟਰੋਲ ਹੇਠ
• ਡਿਪਟੀ ਕਮਿਸ਼ਨਰ ਤੇ ਐਸ.ਐਸ.ਪੀ. ਵਲੋਂ ਧੁੱਸੀ ਬੰਨ੍ਹ ਦਾ ਜਾਇਜ਼ਾ