ਕਵਿਤਾ - ਚਾਪਲੂਸ ਤੋਂ ਬਚਕੇ

*ਦੂਜਿਆਂ ਨੂੰ ਜੋ ਢਾਲ ਬਣਾ ਕੇ

ਮਤਲਬ ਆਪਣਾ ਕੱਢਦੇ ਨੇ ,

ਐਸੇ ਲੋਕਾਂ ਤੋਂ ਬਚਕੇ ਰਹਿਣਾ

ਖਾਰ ਦਿਲਾਂ ਚ ਰੱਖਦੇ ਨੇ l

*ਚਾਪਲੂਸੀ ਕਰਨਾ ਕੰਮ ਇਨ੍ਹਾਂ ਦਾ ,ਗੱਲਾਂ ਮਿੱਠੀਆ ਕਰਦੇ ਨੇ lਆਪਣਾ ਕਹਿਕੇ ਜੋ ਦੇਣ ਦਿਲਾਸੇ,

ਵਾਰ ਪਿੱਠ ਤੇ ਕਰਦੇ ਨੇ l

ਐਸੇ ਲੋਕਾਂ ਤੋਂ ਬਚਕੇ ਰਹਿਣਾ ਖ਼ਾਰ ਦਿਲਾਂ ਚ ਰੱਖਦੇ ਨੇ l

*ਤੇਰੇ ਮੂੰਹ ਤੇ ਤੇਰੇ ਹੋ ਜਾਣ

ਮੇਰੇ ਮੂੰਹ ਤੇ ਮੇਰੇ ਨੇ l

ਮੂੰਹ ਦੇ ਮਿੱਠੜੇ ,ਦਿਲ ਦੇ ਕੌੜੇ

ਨਾ ਇਹ ਤੇਰੇ ਨੇ ਨਾ ਇਹ ਮੇਰੇ ਨੇ ,

ਮਹਿਫ਼ਲਾਂ ਜੋੜ -ਜੋੜ ਥਾਂ -ਥਾਂ ਬੈਠਣ ,

ਨਿੱਤ ਨਵਾਂ ਕਾਰਾ ਕੋਈ ਕਰਦੇ ਨੇ ,

ਐਸੇ ਲੋਕਾਂ ਤੋਂ ਬਚਕੇ ਰਹਿਣਾ ਖ਼ਾਰ ਦਿਲਾਂ ਚ ਰੱਖਦੇ ਨੇ l

*ਆਪਣੇ ਆਪ ਨੂੰ ਦੱਸਣ ਸਿਆਣੇ ,

ਠੱਗੀਆਂ ਠੋਰੀਆਂ ਕਰਦੇ ਨੇ l

ਮਤਲਬ ਲਈ ਇਹ ਕਰਨ ਦੋਸਤੀ , ਲੋੜ ਪੈਣ ਤੇ ਨਾ ਖੜ੍ਹਦੇ

ਨੇ l

ਐਸੇ ਲੋਕਾਂ ਤੋਂ ਬਚਕੇ ਰਹਿਣਾ

ਖ਼ਾਰ ਦਿਲਾਂ ਚ ਰੱਖਦੇ ਨੇ l

*ਕੁਰਸੀ ਨੂੰ ਇਹ ਕਰਨ ਸਲਾਮਾ

ਅਕਲ ਨੂੰ ਛਿੱਕੇ ਟੰਗਦੇ ਨੇ l

ਪੈਸੇ ਲਈ ਇਹ ਰਹਿਣ ਵਿਕਾਊ

ਜ਼ਮੀਰ ਵੀ ਗਹਿਣੇ ਧਰਦੇ ਨੇ l

ਦੂਜਿਆਂ ਦੇ ਹੱਕ ਨੇ ਖਾਂਦੇ

ਹੱਡ ਤੋੜ ਮਿਹਨਤ ਨਾਂਹ ਕਰਦੇ ਨੇ l

ਮੂੰਹ ਤੇ ਮਿੱਠੀਆਂ-ਮਿੱਠੀਆਂ ਮਾਰਦੇ ,ਪਿੱਠ ਤੇ ਵਾਰਾਂ ਕਰਦੇ ਨੇ

l

ਐਸੇ ਲੋਕਾਂ ਤੋਂ ਬਚਕੇ ਰਹਿਣਾ ,

ਖ਼ਾਰ ਦਿਲਾਂ ਚ ਰੱਖਦੇ ਨੇ l

ਚਾਪਲੂਸਾਂ ਤੋਂ ਬਚਕੇ ਰਹਿਣਾ ,

ਖ਼ਾਰ ਦਿਲਾਂ ਚ ਰੱਖਦੇ ਨੇ l

ਕਲਮਕਾਰ :- ਰਾਜਿੰਦਰ ਕੌਰ ਢਿੱਲੋਂ (ਜਲੰਧਰ )