ਪੁਣੇ ਬੱਸ ਰੇਪ ਮਾਮਲਾ: ਦੋਸ਼ੀ ਦੀ ਖੋਜ ਲਈ ਪੁਲਿਸ ਵਲੋਂ ਡਰੋਨ ਦੀ ਵਰਤੋਂ

ਪੁਣੇ ਦੇ ਸਵਰਗੇਟ ਬੱਸ ਅੱਡੇ ‘ਤੇ ਇੱਕ ਯੁਵਤੀ ਨਾਲ ਹੋਈ ਦੁਰਚਾਰ ਦੀ ਘਟਨਾ ਨੇ ਲੋਕਾਂ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ। ਪੁਲਿਸ ਮੁਲਜ਼ਮ ਦੱਤਾਤ੍ਰਯਾ ਰਾਮਦਾਸ ਗਾਡੇ ਦੀ ਭਾਲ ਵਿੱਚ ਲੱਗੀ ਹੋਈ ਹੈ, ਜਿਸ ਬਾਰੇ ਸ਼ੱਕ ਹੈ ਕਿ ਉਹ ਆਪਣੇ ਪਿੰਡ ਨੇੜੇ ਇੱਕ ਕਮਾਦ (ਗੰਨੇ) ਦੇ ਖੇਤ ਵਿੱਚ ਓਹਲੇ ਬੈਠਾ ਹੋ ਸਕਦਾ ਹੈ।

ਪੁਲਿਸ ਸਰੋਤਾਂ ਮੁਤਾਬਕ, 13 ਵਿਸ਼ੇਸ਼ ਟੀਮਾਂ ਇਸ ਮਾਮਲੇ ਦੀ ਜਾਂਚ ‘ਚ ਲੱਗੀਆਂ ਹਨ, ਜਿਨ੍ਹਾਂ ਵਿੱਚ 8 ਟੀਮਾਂ ਕ੍ਰਾਈਮ ਬ੍ਰਾਂਚ ਦੀਆਂ ਹਨ। ਦੋਸ਼ੀ ਦੀ ਤਲਾਸ਼ ਲਈ ਸੁੰਘਣ ਵਾਲੇ ਕੁੱਤੇ ਅਤੇ ਡਰੋਨ ਵਰਤੇ ਜਾ ਰਹੇ ਹਨ, ਕਿਉਂਕਿ ਸ਼ੱਕ ਹੈ ਕਿ ਉਹ 10 ਫੁੱਟ ਉੱਚੀ  ਕਮਾਦ (ਗੰਨੇ)  ਦੀ ਫਸਲ ਵਿੱਚ ਓਹਲੇ ਹੋ ਸਕਦਾ ਹੈ।

ਸਰੋਤਾਂ ਨੇ ਇਹ ਵੀ ਦੱਸਿਆ ਕਿ ਗਾਡੇ ਪੁਲਿਸ ਦੀ ਰੇਡ ਤੋਂ ਬਚਣ ਲਈ ਸਬਜ਼ੀਆਂ ਨਾਲ ਭਰੇ ਇੱਕ ਟਰੱਕ ‘ਚ ਲੁਕ ਕੇ ਆਪਣੇ ਪਿੰਡ ਤਕ ਪਹੁੰਚਿਆ, ਜਿੱਥੇ ਜਾ ਕੇ ਉਸਨੇ ਆਪਣੇ ਕੱਪੜੇ ਅਤੇ ਜੁੱਤੀਆਂ ਬਦਲੀਆਂ।

ਇਹ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਮੰਗਲਵਾਰ ਸਵੇਰੇ 5:45 ਵਜੇ ਤੋਂ 6:00 ਵਜੇ ਦੇ ਦਰਮਿਆਨ ਵਾਪਰੀ। ਪੀੜਤ, ਜੋ ਕਿ ਘਰੇਲੂ ਨੌਕਰਾਣੀ ਹੈ, ਸਤਾਰਾ ਜਿਲ੍ਹੇ ਨੂੰ ਜਾਣ ਵਾਲੀ ਬੱਸ ਦੀ ਉਡੀਕ ਕਰ ਰਹੀ ਸੀ।

ਉਹਦੇ ਬਿਆਨ ਮੁਤਾਬਕ, ਗਾਡੇ ਨੇ ਉਸਨੂੰ ‘ਦਿਦੀ’ (ਭੈਣ) ਕਹਿ ਕੇ ਗੱਲਬਾਤ ਕੀਤੀ ਅਤੇ ਕਿਹਾ ਕਿ ਇੱਕ ਬੱਸ, ਜੋ ਅੱਡੇ ਦੇ ਇੱਕ ਕੋਨੇ ‘ਚ ਖੜੀ ਹੈ, ਉਹਨੂੰ ਸਤਾਰਾ ਲੈ ਜਾਵੇਗੀ। CCTV ਫੁਟੇਜ਼ ‘ਚ ਦੋਵੇਂ ਨੂੰ ਬੱਸ ਤੱਕ ਜਾਂਦੇ ਦੇਖਿਆ ਗਿਆ ਹੈ।

ਬੱਸ ਦੇ ਅੰਦਰ ਜਾਣ ਤੋਂ ਪਹਿਲਾਂ, ਪੀੜਤਾ ਹਿਜ਼ਕ ਰਹੀ ਸੀ, ਪਰ ਗਾਡੇ ਨੇ ਦੱਸਿਆ ਕਿ ਅੰਦਰ ਯਾਤਰੀ ਸੋ ਰਹੇ ਹਨ, ਇਸ ਲਈ ਬੱਤੀਆਂ ਬੰਦ ਹਨ। ਬੱਸ ਵਿੱਚ ਦਾਖਲ ਹੋਣ ਤੋਂ ਬਾਅਦ, ਗਾਡੇ ਨੇ ਦਰਵਾਜ਼ਾ ਲਾਕ ਕਰ ਦਿੱਤਾ ਅਤੇ ਉੱਥੇ ਹੀ ਉਸ ਨਾਲ ਦੁਰਚਾਰ ਕੀਤੀ।

ਪੁਲਿਸ ਦੀ ਕਾਰਵਾਈ

• CCTV ਫੁਟੇਜ਼ ‘ਤੇ ਅਧਾਰਿਤ, ਫੌਰੀ ਤੌਰ ‘ਤੇ FIR ਦਰਜ ਕੀਤੀ ਗਈ।
• MSRTC (ਮਹਾਰਾਸ਼ਟਰਾ ਸਟੇਟ ਰੋਡ ਟ੍ਰਾਂਸਪੋਰਟ ਕਾਰਪੋਰੇਸ਼ਨ) ਨੇ ਬੱਸ ਅੱਡੇ ‘ਤੇ ਨਵੀਆਂ ਸੁਰੱਖਿਆ ਟੀਮਾਂ ਤਾਇਨਾਤ ਕਰ ਦਿੱਤੀਆਂ ਹਨ।
• ਦੋਸ਼ੀ ਦੀ ਜਾਣਕਾਰੀ ਦੇਣ ਵਾਲੇ ਨੂੰ ₹1 ਲੱਖ ਦਾ ਇਨਾਮ ਦਿੱਤਾ ਜਾਵੇਗਾ।

ਡਿਪਟੀ CM ਏਕਨਾਥ ਸ਼ਿੰਦੇ ਅਤੇ ਅਜੀਤ ਪਵਾਰ ਨੇ ਕਿਹਾ ਕਿ "ਇਹ ਜੁਰਮ ਕਰਨ ਵਾਲਿਆਂ ਨੂੰ ਫਾਂਸੀ ਹੋਣੀ ਚਾਹੀਦੀ ਹੈ"।

36 ਸਾਲਾ ਦੱਤਾਤ੍ਰਯਾ ਗਾਡੇ ਦੇ ਖਿਲਾਫ ਚੋਰੀ, ਲੁੱਟ ਅਤੇ ਚੇਨ ਸਨੈਚਿੰਗ ਦੇ 6 ਮਾਮਲੇ ਦਰਜ ਹਨ। ਉਹ 2019 ਤੋਂ ਜ਼ਮਾਨਤ ‘ਤੇ ਬਾਹਰ ਸੀ।


ਪੁਲਿਸ ਨੇ ਦੱਸਿਆ ਕਿ ਉਹਨਾਂ ਨੂੰ ਗਾਡੇ ਦੀ ਸੰਭਾਵਿਤ ਥਾਂ ਬਾਰੇ ਪਤਾ ਲੱਗ ਗਿਆ ਹੈ ਅਤੇ ਉਹ ਜਲਦੀ ਹੀ ਉਸਨੂੰ ਗ੍ਰਿਫ਼ਤਾਰ ਕਰ ਲੈਣਗੇ।